Kabuki sindromea gaixotasunari buruzko ikerketa sustatzeko ekimen solidarioa egingo dute Atarrabian urtarrilaren zazpian. Hamaika orduz korrika ariko dira Udaletxe plazara beraratu eta Kilometroak Kabukiren alde dinamikan parte hartuko duten herritarrek. Eneko Esparzak, ekimenaren sustatzaileak eman digu haren berri.
Kabuki sindromea ez ohiko gaixotasuna da, eragin fisiko eta neurologikoa duena.
Ekimenak gaixotasuna ikustarazteaz gain dirua biltzeko helburua du, horretarako pintxo salmenta eta zozketak eginen dituzte.
Egitaraua
Zozketagaien artean Osasuna eta Errealeko jokalarien elastikoak izanen dira, baita Beti Onak eskubaloi taldeko emakumeenak ere, baita Euskalerria Irratiaren eskutik euskal kultura sorta bi. Kilometroak Kabukiren alde ekimena esan bezala, urtarrilaren 7an izanen da, goizeko zazpietan hasi eta arratsaldeko seiak arte. Parte-hartzea librea izanen da.
