Ekaitz Santazilia euskal filologoa eta Kike Diez de Ultzurrun itzultzailea Metropoli Forala saioan izan dira Irigarai familiaren ondare dokumentalaz solasean. Bereziki, Ezkabarteko Zildotz herrian, Perutxeneko etxean aurkitutako sermoiez mintzatu gara. Kike Diez de Ultzurrunek Aingeru Irigaraik bere familiari emaniko eskuizkribuak ekarri dizkigu.
Nafarroako Artxibo Nagusiak Fermin Irigarai eta Angel Irigarai aita semeen ondare dokumentala hartu du dohaintzan. Besteak beste, testu zaharrak, eskuizkribuak, artikuluak, prentsa, aldizkariak, liburuak, zirriborroak eta ohar-kaierak aurki daitezke. XVII. mendean hasi eta, nagusiki, XIX. eta XX. mendera artekoak. Irigaraitarrak euskararen aldeko lanean nabarmendu ziren XX. mendean, eta funtsa hau horren isla da. Ekaitz Santazilia euskal filologoa ondare honi buruzko ikerketa lana eta katalogoa egiten ari da. Kike Diez de Ultzurrun, bere familiari Aingeru Irigaraik emaniko izkribuez aritu zaigu. Informazio gehiago, Fontes Linguae Vasconum aldizkarian eta Nafarroako Artxibo Nagusian jaso daiteke.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!