Euskal irratien inguruko mahaingurua eginen da Zaldikon

Euskalerria Irratia 2022ko eka. 7a, 21:15
Deskargatu Info Ahotsak :

Asteazken honetan Xipri Arbelbidek "Euskarazko lehen irratia. Gure Irratia" bere liburu berria aurkeztuko du Zaldiko elkartean eginen den mahainguruan. Arbelbiderekin batera parte hartuko dute Irulegi Irratiko Maria Agnes Gosotiagak, Xorroxin Irratiko Julen Zelaietak eta Euskalerria Irratiko sortzaile eta zuzendari izandakoa Mikel Bujandak. 20:00etan izanen da.

Kike Diez de Ulzurrun Zaldiko Maldiko elkarteko kidearekin mintzatu gara euskal irratien sorreraz. 60. hamarkadan Nafarroa Garaian martxan jarri ziren Berueteko eta Arantzako irratiak izan ziren euskaraz emititu zuten lehenak. Haien ostean, orain dela 40 bat urte, beste hainbat irrati abiarazi ziren Nafarroan eta Iparraldean, beti herri ekimenek bultzatuta eta euskal komunitateari zerbitzua emateko helburuarekin. Garai hartan Gure Irratia sortu zen Lapurdin, Irulegi Baxe Nafarroan, Euskalerria Irratia Iruñean eta Xorroxin Baztanen. 

Euskara Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea