“Bidaso, bida so”. Hau da Jaun Carlos Pikabea margolari lesakarra eta Lesagibel eskultorearen lanak biltzen dituen erakusketaren izena. Iruñeko Kondestablearen aretoan jarri zituzten lanak ikusgai urriaren 6an eta heldu den igandera arte bisitatzeko aukera izanen dugu.
Euskal Herriko paisaia argitsu eta koloretsuak dira Pikabeak bere margo lanetan biltzen dituenak: Hondarriabia, Amaiur, Gaztelugatxe, Iruñeko Gazteluko Plaza, Larun mendia, Orreaga… eta batez ere Bidasoa aldekoak. Baita atzerritik ekarritako irudi bat: Erromako hiri paisaia.
Margolari beteranoa da Juan Carlos Pikabea, ederki ongi dakiena zenbat urrats eman behar dituzten artistek haien lanak erakutsi eta saldu ahal izateko. Berarekin aritu gara solasean Irrintzi Plazan eta besteak beste galdetu diogu nolakoa den Euskal Herriko margolarien egoera orokorra gaur egun eta lehen baino txarragoa iruditzen zaiola esan digu argi eta garbi.
