2022an 500 urte beteko dira Karlos V enperadoreak agindutako itsas espedizioak munduari bira eman ziola, Gaztelako Koroaren interesak handitzeko asmoz. Euskal herritar batzuk ere izan ziren ‘armada’ horretan, tartean espedizioko buru bilakatu zen Joan Sebastian Elkano getariarra. Haren "balentriak" goraipatzen hasi dira berriro, eta horri bira emateko sortu dute taldea: “Gaur egungo interes politiko eta ekonomikoen arabera moldatu nahi dute historia”.
Orain arte historiak isilarazitakoak lehen lerrora ekarri nahi dituzte: emakumeak, jatorrizko herriak eta inperialismoaren kalte zuzenak sufritu eta sufritzen dituztenak.
