Caparroson bada behi haztegi erraldoi bat. Valle de Odieta izeneko enpresak han baditu 3.450 behi, teorian, 5.000 egitan, eta kopuru hori bikoizteko baimena eskatua du.
Nafarroako Gobernua saiatu zen aurreko legealdian muga jartzen ustiaketen tamaina mugatzen zuen dekretu baten bidez, baina Nafarroako Justizia Auzitegi Nagusiak baliogabetu du hori esanez ez dela froga aski esateko ingurumenean kalte zuzekin eragiten duenik eta gainera mugak jartzea enpresaren askatasunaren kontra joanen zen. Gogoz kontra beraz bidea eman behar izan diote.
Joan den astelehenean, martxoaren 22an, Uraren Egunean, hain zuzen ere, Greenpeacek bi tona ur kutsatu itzuli zizkion Caporrosoko behi haztegiari haztegiak sortzen duen kutsadura salatzeko.
