Nafarroako Gobernuak ostiral honetan baieztatu du duela bi aste onartutako murrizketak beste bi astez luzatzea. "Behin jaiak ez direnean, kutsatze kopuru txikiagoak ikusiko ditugu", adierazi du Maria Txibite presidenteak. Exekutiboak aldaketa txikiak egingo ditu aire zabaleko azoketan, baina ostalaritzako murrizketak ez ditu handituko.
Eremu publikoan eta ostalaritza-establezimenduetan sei pertsona bildu ahal izango dira, eremu pribatuetara zabaldu da gomendioa, eta %50era mugatu da gizarte-jardueren edukiera, hala nola zeremoniak, beilatokiak eta ehorzketak, kultua, azoka txikiak edo arautu gabeko prestakuntza-zentroak. Eutsi egiten zaie osasun-euspeneko neurriak betetzen ez dituzten pertsonei edo erakundeei ezarritako zehapenei.