Tuterako osasun arloan intzidentzia tasak behera egin du azken astean, eta une honetan 100.000 biztanleko 220 kasu inguru daude; aurreko astean 400 izan ziren. Hala baieztatu zuen atzo Ana Beamonte Tuterako Osasun eremuko gerenteak.
Hamar ordu eman zituzten probak egiten, eta larunbatean gainerakoekin jarraitzeko asmoa dute. Emaitzek departamentua orientatuko dute prebentzio neurriak eta neurri murriztaileak bideratzeko. Emaitzen arabera, neurriak ezarriko dituzte.
Ausazko lagina egiteko, 25 zentsu sekzioak hartu dituzte kontuan, eta horietatik %1etik gorako intzidentzia duten sekzioak atera dira. Lehen lagin horretatik kendu dira irailean PCRa egin zuten pertsonak, zentro soziosanitario batean zeudenak edo 15 urte baino gutxiago zituztenak.
Uneotan, Sofia Erregina Ospitalean 25 pertsona daude ospitaleratuta, beste bost ZIUn eta beste bat etxean ospitaleratuta.