Beste zazpi eskola talde itxialdian

Euskalerria Irratia 2020ko ira. 23a, 09:24
Deskargatu Info Ahotsak :
Español English Français Català Galego

Tafallako Marques de la Real ikastetxea, talde bat konfinatuta duten eskoletako bat.

Berrogeialdian dauden ikasleak 2.883 dira Nafarroa osoan

Zazpi eskola talde berrogeialdian jarri dituztela jakinarazi zuen atzo Nafarroako Gobernuak, ikasgeletan COVID-19 kasu positiboak agertu direlako. Guztira 122 ikasle konfinatu berri dituzte

Atzoko datuen arabera, 2.883 ikasle daude Nafarroan konfinaturik. Haur eta Lehen Hezkuntzako ikasle guztien %4,64 eta ziklo horietako talde guztien %4,21 dira. 147 talde isolatuta daude, 75 ikastetxetakoak.

Zehazki, Irunberriko San Juan ikastetxeko 14 ikasle konfinatu dituzte; Tafallako Marques de la Real Defensa ikastetxeko 16 ikasle; Iruñeko Arrotxapeko ikastetxeko 22 ikasle; Sarrigurengo Hermanas Uriz Pi ikastetxeko gela bateko 20 kide; Altsasuko Iñigo Aritza ikastolako talde bateko 16 kide; Mendillorriko El Lagoko 14 ikasle, eta San Fermin ikastolako 20.

Isolamendu aldia amaitu duten taldeak beren ikastetxeetara itzultzen ari dira.

Gizartea Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!