Zinemagintzako profesionalen aurrean aurkeztu beharko du Arantza Santesteban nafarrak eskuartean duen 918 Gau filma. Oraindik ez du amaitu, baina hori da hain zuzen Zinemaldiko WIP Europa zikloaren helburua. Filmen garapena ezagutzea eta saritzea. Filma amaitzeko finantzazioa eskuratzeko aukera bikaina da Santestebanen ustez.
2007an atxilotu zuten Santesteban, Batasunako beste 22 kiderekin batera. Bi urte eta erdi eman zituen Zuerako kartzelan, Zaragozan. 918 gau. Izen bereko filmak kartzelan eguneroko bizitza ulertzeko funtsezkoak diren gaiak jorratuko ditu. Filma urte amaieran amaituko duela aurreikusi du Santestebanek. Baina koronabirusaren krisiak kolokan jarri ditu egitekoak diren zinema jaialdiak, eta oraindik ez daki noiz eta non estreinatuko den.
