Koronabirusak eragindako ondorioei aurre egiteko Nafarroako gobernuak Parlamentura eramaten dituen dekretuen tramitazioa ez da beti exekutiboaren beraren interesen arabera garatzen. Apirilean Navarra Suma eta EH Bildu alderdiek botoak batu zituzten, autonomoentzako eta tokiko erakundeentzako 55 milioiko laguntzak sartzeko.
Azkenak botoak elkartzen Navarra Suma eta Geroa Bai izan dira. Zuzenketa bat adostu dute sare publikoko zein itunpeko irakasleei lanaldia murrizteko aldarrikapen sindikalari erantzuteko. Akordioa, ostegunean Parlamentuko osoko bilkuran eztabaidatuko den gobernu proiektu bati egindako zuzenketa bat da, eta, funtsean, 57 urtetik gorako irakasleei lanaldia murriztea dakar. PSNren haserrea eragin du akordioak.
Nafarroako Gobernuak uztailaren erdialdean onartu zuen itunpeko irakaskuntzako akordioa, patronala eta USO eta CCOO sindikatuekin. Gehiengo sindikala akordio horren aurka azaldu zen. Geroa Bai eta Navarra Sumak azaldu duzuenez, akordio horrek sortzen duen arazoa konpontzeko asmoz aurkeztu duzue zuzenketa.