Patxi Arriada: "Totem bezalako areto batek ez du etorkizunik 50 bezerorekin"

Euskalerria Irratia 2020ko abu. 20a, 11:48

Gobernuak iragarritako murrizketa berriek aretoa ixtera bultzatu dituzte. Aretoa garagardotegi bilakatzeko Atarrabiako Udalarekin ari dira hizketan. Totemeko zuzendaritzako kide Patxi Arriada izan da Guardasola saioan.

Asteartean sartu ziren indarrean koronabirusa geldiarazteko gobernuak onartutako murrizketa sorta berria. Dekretu berriak zuzenean itxi egiten ditu diskotekak, dantza-aretoak eta kopa-tabernak, hauek zuzeneko emanaldirik eduki edo ez. Kaltetuetako bat da Totem arteoa. Patxi Arriada zuzendaritzako kidea da: "Egiten genituen kontzertuak eta gaueko martxa eten egin ditugu, orain garagardotegi gisa jarduteko hizketan ari gara Atarrabiako Udalarekin".

Egun lau langile ari dira lanean Totemen. Gobernuaren erabakiak langile asko lanik gabe utzi dituela salatu du Arriadak Guardasola saioan eta, azaldu duenez, lanean ari badira sektorea babesteko da. "Teknikariak edota garbiltzaileak lanik gabe geratu dira, gaixoak oso gaizki ari dira pasatzen". 

Sektorea bultzatzeko ANAIM elkartean batu dira hainbat areto eta eragile. Horietako bat da Totem. Zalantzan izan da azken egunotan aurreko astean elkarlanean iragarritako kontzertu sorta. Gobernuarekin hizketan aritu dira etengabe, eta kontzertuak eginen direla baieztatu die exekutiboak.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!