Biltzen den pertsona kopuruari erreparatzeko eskatu du Edurne Egino Nafarroako Ospitaleko Osasun teknikari eta medikuak Guardasola saioan: “Hamar pertsona biltzen bagara, errazagoa izanen da kontrola”. Senide eta lagunartean ematen ari dira azkenaldian koronabirus kasu positibo berri gehienak eta horiek geldiarazteko ohiturak aldatu beharko direla uste du: “Dena mahai inguruan ospatzen dugu, denek botila berdina behin eta berriz hartzerena adibidez aldatu beharko genuke”.
Azken egunotan Iruñerrian, Lizarran eta Tuteran eman dira kasu positibo berri gehienak. “Ez-festen efektua” dela azaldu du medikuak Euskalerria Irratian. “Uste genuen udan birusa geldiaraziko zela, baina gure artean dugu eta udazkenean eta neguan gertatu daitekeenak kezkatzen gaitu”.