Esaten dizute zure ordenagailuan arazo bat dagoela, baina ez dela birus batek eragindakoa, horregatik zure antibirusak ezin du ezer egin horren aurka. Egin behar duzuna da bere aginduak jarraitu eta berak esaten dizkizun teklak sakatu.
Hori dena iruzurra da Julen Linazasoro, Macsonrisas enpresako arduradunak azaldu digun bezala.
Gure datuak eskuratzea, gure ordenagailuan sartu eta urrutitik manejatu ahal izatea edo hainbat produktu guri erosaraztea izan daiteke haien helburua.
Julen Linazasorok gomendatu digu kasurik ez egitea eta argi izatea beti enpresa, erakunde edo banku batek inoiz ez digula daturik eskatuko telefonoz eta ez digula ezer egiteko gure ordenagailuan.
