"Lehenengo fasean" daude Nafarroako liburutegi publikoak. Hala azaldu du Harkaitz Delgadok Irrintzi Plaza saioan. Itxialdiaren arintzea motelagoa izaten ari da liburutegietan, baina aste honetan aldaketa nabarmen bat eman da: liburuak maileguan hartu eta itzultzeko zabalik daude liburutegiak. Oraindik ezin dira liburuak apaletik hartu, hori dela eta asko dira liburuzaingana gomendio eske gerturatu direnak. Liburuzainaren funtzioa balioan jartzeko balioko duelakoan dago Delgado.
Liburutegietan hartu behar izan dituzten neurrien berri eman du Leitzako liburutegiko arduradunak. Besteak beste, itzultzen diren liburuak berrogeialdian jarri behar dituzte, koronabirusaren hedapena saihesteko.
