Kulturaren kontsumoa bultzatzeko eskatu dio Nafarroako Antzokien Sareak gobernuari

Euskalerria Irratia 2020ko mai. 20a, 19:16

Udaberrian berritu behar zen Kultura Departamentua eta Sarearen arteko hitzarmena sinatzeko eskatu dute kultur kudeatzaileek. Modu berean kultura bonuak plazaratzea eta kultura-industrientzako ezohiko laguntza ekonomikoen plan bat garatzea proposatu du Sareak. Honetaz mintzatu gara Iker Bengotxea, NASeko zirkuitoaren kudeatzailearekin.

33 udalerri biltzen dituen Sare honek krisiari aurre egiteko abian jartzen diren plan eta protokoloetan kultura-eragileei ahotsa emateko eskatu du. Honetaz gain, arlo ekonomikoan, Nafarroako Gobernuko Kultura Departamentuari deia egin dio justu pandemia aurretik sinatu gabe gelditu zen 100.000 euroko hitzarmena, lehenbailehen tramitatu dezala jarduera aktibatu ahal izateko. Era berean, kulturaren kontsumoa sustatzeko baliogarriak izan daitezkeen kultura bonuak sortzea eta kultura-industrientzako ezohiko laguntza ekonomikoen plan bat garatzea proposatu du. Bestalde deseskalatze-planak egin eta jarduerari berrekiteko protokoloak idazterakoan kultura-jarduera osoko ordezkariek parte har dezaten eskatu du Nafarroako Antzokien Sareak. Gaur egun egoera oso nahasia da sortzaileentzat eta baita kudeatzaileentzat  ere. Antzokiak noiz eta nola zabalduko ditzuten ezin jakin informazioa falta delako eta aurrikuspenak egitea oso zaila delako, Iker Bengotxea Antzokien Sareko Zirkuitoaren arduradunak azaldu digun bezala.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!