Salhaketa, Etxerat, Altsasuko Gurasoak eta Sare Herritarra elkarteek presoen eskubideak errespetatzeko neurriak eskatu dituzte osasun krisiaren testuinguruan, eta Nafarroako sindikatu guztiek, alderdi politiko gehienek eta elkarte ugarik bat egin dute eskaerekin. "Hori da helburua: ahalik eta urrutien iristea, eskera Espainiako Gobernuari helarazteko”, adierazi du Sare-ko Mikel Mundiñanok.
Itxialdia arintzeko prozesua espetxeetara ere iristeko eta egoera ahulenean dauden presoak —65 urtetik gorakoak, gaixo daudenak eta haurdun edo seme-alabekin daudenak, besteak beste— aske uzteko eskatzen dute lau taldeek. “Ahalik eta gehien hustu behar dira espetxeak, horretarako legeak baitaude”, aldarrikatu du Mundiñanok.
Espainiako Gobernuaren jarrera kritikatu du: “Insitituzioek bizkar ematen diote espetxeetako errealitateari”.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
