Itxialdia leuntzeko prozeusaren lehen fasera igarotzearekin, zalantza ugari sortu ziren egin daitezkeen jardueren inguruan; eta horietako bat da mendira joatea. Baina, azkenean jakin da ez dagoela baimenduta mugitzea mendi ibilaldiak egiteko. Koldo Aldaz, Nafarroako Mendi Federazioko presidenteordeak azaldu du saiatu direla Nafarroako mendien ibilbideen sarea kirol instalazio gisa har dezaten, baina ez dutela lortu.
Hala ere, zehaztu du hamar pertsona arteko taldeekin eta enpresa homologatu bati jarduera erosita, bai, orduan aukera dagoela txangoak egiteko.
Egungo egoera oso aldakorra da, une batetik bestera aldatzen dira baldintzak; alde horretatik, datorrenari begira, Koldo Aldazek ziurtatu du saiatuko direla bigarren fasean ibilbide sarea kirol instalazio gisa onar dezaten, eta baldintzak murriztu ditzaten, asko baitira ibilbide horietaz, mendiaz eta naturaz gozatzeko gogoa dutenak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
