Astelehen honetatik, maiatzak 11, Nafarroan dauden Ibilgailuen Azterketa Teknikorako (IAT) hamar estazioak irekiko dituzte, eta hitzorduarekin baino ez dute atendituko. Gomendatu dute lehenestea joan den martxoaren 14a baino lehenetik azterketaren balioa iraungita duten ibilgailuak.
Nafarroa itxialdia arintzeko prozesuaren lehen fasera sartu denez, gaurtik zabalik egongo dira IATren hamar geltokiak: Noain, Iruñea (Mercairuña), Cordovilla, Huarte (Areta), Lizarra, Tutera, Arbizu, Santesteban, Peralta eta Zangoza.
Enpresa emakidadunek, Revisiones de Navarra eta TÜV Rheinland Navarra enpresek babes ekipoak bildu dituzte beren langileentzat, eta beharrezko antolaketa neurriak hartu dituzte publikoaren babesa bermatzeko. Bestalde, pilaketak saihesteko, ordutegiak jarriko dituzte zenbait estaziotan. Foru Gobernuak ohar baten bidez jakinarazi duenez, hitzordua eskatzeko sistema martxan dago dagoeneko.
Epeak zehazteke
Nafarroako Gobernuko Industria, Merkataritza eta Turismo Ministerioak laster zehaztuko ditu IAT iraungita duten ibilgailuen azterketa luzatzeko epeak, bai eta azterketa teknikoko ikuskatzaileentzako jarduera protokolo batzuk ere. Nolanahi ere, Nafarroako Gobernuko Ekonomia eta Enpresa Garapenerako Departamentuak gomendatu du lehentasuna ematea alarma egoera hasi aurretik iraungitako IATko txartelak dituzten ibilgailuei.
