Nausiak beldurraren gaiari heldu dio: haren hitzetan, krisi garaietan, botereak beldurra erabiltzen du gizartea bultzatzeko “polizia eta epaile” izatera, eta horren arriskuez ohartarazi du: “Beste garai batzuetan epaile eta zigortzaile lanak komunitateak egiten zuen”. Horrez gain, egoeraren inguruko mezu “baikor hutsaletaz” nekatuta dagoela adierazi du: “Generoak eta egoera sozioekonomikoak eragin handia baitute egoera honetan”.
Erreak salatu du agintariek egoera aprobetxatu duela zentralizazioa bultzatzeko; haren ustez, halako arazoak komunitate txikietan eta boterea partekatuz kudeatu bhear dira. “Beldur naiz aurrera begira ez ote duten hala segituko”. Halaber, azpimarratu du krisiak azaleratu dituela sistemak aurretik zituen zenbait arrakala; besteak beste, zaintzari eta osasun publikoari lotutakoak.
Biek nabarmendu dute konponbide bat bilatzeko bideak behar duela izan bizitza jartzea produkzioaren gainetik.