Euskal telebistan lan egiten du Dani Martirena kazetariak. Lan txanda bereziak egin dituzte asteotan, elkarren artean ahalik eta gutxien topo egiteko; ondorioz, aste honetan astelehen, astearte eta asteazkenean lan egin du, eta egun batzuk ditu libre. Etxean dago orain, eta herri txiki batean bizitzeak itxialdia errazten duela nabarmendu du.
Azaldu duenez, lanean ia bakarrik egoten da egunotan, eta ongi moldatzen ari da bera bakarrik. Baina grabazioak egiteak zailtasun gehiago dakartza orain: hiru pertsona mugitu ohi dira —kamara, soinu teknikaria eta kazetaria—, eta kutsadura saihesteko, orain ezin dira kotxe berberan sartu.
Grabazioetarako, kainabera moduko bat jartzen diote mikronofonoari, baina plastikorik ez, eta etengabe desinfektatzen dute. Kalean daudenean, elkarrizketaren bat egin behar dutenean, elkarrizketatuaren aurrean desinfektatzen dute mikrofonoa.
