Hasteko tximeleta ezpel jaleen inguruan galdetu diogu. Duela sei hilabete, urrian, tximeleta asiarraren izurritea izan genuen. Milaka tximeleta txiki agertu ziren gure hiri eta herrietan eta orduan gure ezpel landareekin egiten ari ziren triskantzaren berri izan genuen. Egun tximeletak eskualde zabaletako ezpel hosto berriak jaten ari direla esan digu. Triskantza Iruñerrian, Esteribarren eta ia Erroraino iristen ari dela esan digu.
Tximeleta hauen aurkako tratamendu ekologiko bat da, baina soilik lur sail txikietan erabil daitekeena, ez ordea mendi zabalean garestia eta desegokia izan daitekeelako. Mendiko ezpelen egoera noraino izan daitekeen kezkagarria galdegin diogu Xabier Santestebani eta berak esan digu ezpeldoi batzuk jada berez berpizten hasiak direla hainbat tokitan.
Baina udaberri honetan denak ez dira berri txarrak. Izan ere, aurten, iaz bezala, pinuaren prozesionaria kopurua ez dela oso kezkagarria esan digu.
