PETA animalien aldeko erakundeak 250.000 euro ordaintzea eskaini dio Iruñeko alkate Enrique Maiari, entzierroei "behin betiko" uko egitearen truke. Eskaintza iritsi da foru hiriburuko udalak, koronabirusaren pandemia dela kausa, aurtengo sanferminak, eta haiekin batera entzierroak eta zezenketak, bertan behera utzi eta gero.
PETAk gutun bat bidali dio Iruñeko alkateari, "hiriari milioi laurden euro eskainiz, entzierro krudelekin eta ondorengo zezenketekin behin betiko amaitzeko konpromisoa hartzen badu". "Zezenketa-industria finantza-arazo larrietan dago, eta gero eta hedatuago dago animaliak entretenimendurako ustiatzearen aurkako jarrera, baina espero dut ados egotea Iruñeak ikuskizun krudel eta arkaiko honi amaiera emateko garaia dela", dio Ingrid Newkirk PETA erakundearen sortzaileak eskutitz horretan.
Newkirkek bere proposamena onartzea espero duela esan dio alkateari; izan ere, "elkarrekin, 2021erako San Fermin jaialdia planifikatzen has gaitezke, eta denek, baita animaliek eta babesleek ere, txalo egingo dute".
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
