Nekazari eta abeltzainek salatu dutenez, beren lanarengatik irabazten dutena ez du igoerarik izan azken 40 urtetan, bitartekari eta saltzaileek kontsumitzaileendako salneurriak etengabe igotzen dituzten bitartean. "Onartezina da ekoizpen kostutik behera irabaztea eta horretara kondenatu nahi gaituzte" salatu du UAGN sindikatuko idazkari nagusia den Felix Barianek, "Gure produktuak osasungarriak, jasangarriak dira baina guzti horrek kostu bat du, ezin daiteke alderatu beste herrialde batzuetan, ez dakigu nola ekoizten diren produktuekin".
Gaurkoan Iruñean egindako protesta oso jendetsua eta zaratatsua izan da. Manifestazioaren aurrekaldean pankarta esanguratsua, "Nekazari eta abeltzainak desagertzen badira, nork emanen dizu bazkaria?".
