Iras-ek irabazi du Egunean Behin jokoko Euskalerria Irratiaren bigarren saria

Donostiako Aquariumak eskainita, bi pertsonentzako sarrerak eskuratu ditu Egunean Behin jokoko Iras erabiltzaileak.

Otsailaren 10tik 16rako astean Iras izan da puntu gehien bildu dituen erabiltzailea Euskalerria Irratiko komunitatearen taldeko kideen artean. Donostiako Aquariumerako sarrera bikoitza eskuratuko du, lortutako 528,01 puntuen truke (horretarako, bidali posta eletronikoko mezu bat info@euskalerriairratia.eus helbidera izen-abizenekin eta telefono zenbakiarekin edota deitu 948 17 01 51). 

Otsailaren 23ra bitartean, beste sari bat irabazteko aukera izango dute irratiko taldeko jokoko erabiltzaileek. Javi erabiltzaileak irabazi zuen aurreko asteko saria.

Jokatu Euskalerria Irratiko komunitatearekin

Euskalerria Irratiko taldean batzeko, lehenik eta behin, Egunean Behin aplikazioa deskargatu behar da Google Play edo App Store plataformetatik. Aplikazioaren behealdean kokatzen den 'Taldeak' atalean, (+) ikurra zapaldu, giltzari klikatu eta 019434 kodea sartu behar da. Hala, Euskalerria Irratia izeneko taldera batzea lortuko du erabiltzaileak. Esteka honen bitartez ere badago batzeko aukerarik.