Final gogorra izan zen Gasteizko Iradier Arenan jokatutakoa. 12 enborren erronka. Mikel Larrañaga arrapaladan irten zen, lehendabiziko enborrean erritmo bizia markatuz, Iker Vicentek eutsi egin zion eta bigarren enborran hasi bezain pronto erasoa jo zuen finalaren buruan jarri eta txapela irabazteko. "Bagenekien Mikelek oso hasiera bortitza eginen zuela" aitortu du Euskalerria Irratian Vicentek, "sobera berotu gabe, gureari eutsi eta erritmoa markatzea zen helburua".
Txapela lortuta, atseden hartzeko ordua du orain Otsagiko aizkolariak, erronka berriei heldu aurretik, hori bai, argi du bigarren txapela borrokatuko duela datorren urtean.
