Carmen Ruiz Repullo eta Miguel Angel Arconada deklaratzera deitu ditu Nafarroako Auzitegi Nagusiak. Programaren aurkako familia talde baten abokatuak egin du eskakizuna. Ostiralean jasoko du Nafarroako Gobernuak UNESCOren saria.
CCOO, CGT, ELA, ESK, LAB, STEILAS eta UGT sindikatuek goizeko 9etan Nafarroako Auzitegiaren aurrean “Berdintasuna ez da hautazkoa” lelopean elkarretaratzea eginen dute. "Bertan, gure lankideei babesa adierazteaz gain, berdintasuna eta hezkidetzaren aldeko gure jarrera berretsiko dugu", adierazi dute ohar bidez.
