Uholdeak mahaira programazioa antolatu du Uharteko Arte Garaikidearen Zentroak aurten lehen aldiz hainbat udal eta kultur etxerekin elkarlanean eta Caja Navarra eta Caixa Fundazioen sostenguarekin.
Joan den ostiralean iritsi zen Agoitzera. Han Amaia Molinet, Maia Villot, Fermín Jiménez Landa
Greta Alfaro, Leire Urbeltz eta Fermín Díez de Ulzurrun artisten lanak ikusi ahal izanen dira eta, honetaz gain, bertako bizilagunek aukera izanen dute proposatutako arte ekintza desberdinetan parte hartzeko.
Hauxe da Oskia Ugarte, Uharte Zentroko zuzendaritza taldeko kideak azaldu diguna Irrintzi Plaza saioan. Honetaz gain adierazi digu Zero Azpitik formazio taillerretarako izena emateko epea zabalik dagoela eta aurreratu digu zein izanen den zentroaren eskaintza Habitación eta Aperitifa ataletan. Bukatzeko aurreratu digu laster zabalduko dela erakusketa interesgarri bat Baluarten eta Estudio Irekiak ere abian jarriko direla.