Laguntza behar du Tuterako Nafarroa Oinez-ek

Datorren urriaren 20an ospatuko da Tuteran aurtengo Nafarroa Oineza. Argia ikastolak hartu du antolakuntzarako ardura eta buru belarri dabiltza azken prestaketa lanak egiten. Azken egunotan, laguntza deia luzatu dute sare sozialen bitartez. Muntaketa lanetarako eta Nafarroa Oinez egunerako bolondresak behar dituzte.

Web gunea zabaldu dute, laguntza ematera animatu nahi diren pertsonak, kuadrilak edo ta taldeak apuntatu daitezen. Nafarroa Oinez egunean bertan 9:40 etatik 15:00 etaraino eta 14:30etatik 19:00etarainoko lan txandak osatu behar dira.  Urriaren 12tik aurrera muntaketa lanetan ere bolondresak eskatu dituzte, baita Nafarroa Oinez osteko egunean garbiketan laguntzeko.