Marina Albiol (Ezker Bartua), Xabier Benito y Miguel Urban (Ahal Dugu), Izaskun Bilbao (EAJ), Ana Miranda (BNG), Jordi Solé y Josep María Terricabras (ERC), Ramón Tremosa (PdCAT) eta Ernest Urtasun (ICV) europarlamentariek sinatu dute eskutitza. Altsasuko gazteen kontrako eskubide urraketak salatu dituzte eta haien aurrean, gutxienez, Europako Batzordeak kasua berrikusi beharko lukeela adierazi dute.
Gogoratu dutenez, 2017ko irailean Frans Timmermans-ek, Europako Batzordeko lehendakariordeak, kasuaren gainean zelatan izanen zirela adierazi zuen, gehiegikeriak izanez gero esku hartzeko.
Europar Batzordeari zuzendutako eskutitzean,ezarritako kartzela zigorrek, antzeko gertakizunen ondoan neurrigabekoak direla salatzen dute 9 europarlamentarik. Gainera, Altsausko gazteei, beren epaile eta epaitegi naturala beharko lukeena ukatu zitzailea adierazi dute, erabat lekuz kanpo zegoen terrorismo delitua leporatuz. Europako terrorismoaren kontrako zuzentarauak ezartzen dituen kasuen ezaugarririk ez duen liskarra izan da Altsasukoa, gaineratu dute.
