Altsasuko Gurasoek epaiketa "bidegabea" izan zela salatu dute Europan

Euskalerria Irratia 2019ko mar. 20a, 19:49
Argazkia: Altsasuko Gurasoak, Europar Parlamentuan egindako prentsaurrekoan.

Bihar Jan Jambon belgiar ministro ohiarekin elkartuko dira. Arratsaldean ICEC-ek (International Comission of European Citizens) antolatutako jardunaldi batzuetan parte-hartuko dute. 

Hirugarrenez izan dira Altsasuko Gurasoak Europako instituzioetan. Europako Parlamentuan izan dira, Bruselan, Auzitegi Nazionalaren "ebazpen bidegabea" salatzeko.

Goizean prentsaurrekoa egin dute Josu Juaristi (EH Bildu), Izaskun Bilbao (EAJ), Josep Maria Terricabras (ERC), Ana Miranda (BNG), Xabier Benito (Podemos), Jordi Solé (ERC) eta Miguel Urban (Podemos) eurodiputatuekin batera. Altsasu Gurasoak taldetik Antxon Ramirez de Aldak (Adurren aita) eta Edurne Goikoetxeak (Ainararen ama) hartu dute hitza, Aritz Leozek (Altsasukoak aske plataformako kidea) lagunduta. Prentsaurrekoa bukatuta, lan bilera bat egin dute hainbat talde politikotako kideekin. Prentsaurrekoan bildutakoekin, Portugal zein Flandriako hainbat kiderekin zein Sinn Feinnen ordezakaritza batekin batera, auzia Europan salatzen jarraitzeko proposamen bateratuak adostu dituzte.

Bihar Jan Jambon belgiar ministro ohiarekin elkartuko dira. Arratsaldean, berriz, ICEC-ek (International Comission of European Citizens) antolatutako jardunaldi batzuetan parte-hartuko dute. Ostiralean Belgikako Langileen Alderdiarekin (PTB) bilduko dira. Horrez gain, beste nazioarteko eragile batzuekin bilerak lotzekotan dira.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!