Polemika berria eskuinaren hirukoan eta berriz ere Nafarroaren foru erregimenaren inguruan. Ciudadanos-eko fiskalitate arduraduna den Francisco de la Torrek adierazpen gogorrak egin ditu Twitter eta ekonomiari buruzko atari batean, foruak eta hitzarmen ekonomikoaren kontra. Bere esanetan erregimen insolidarioak eta gardentasunik gabekoak dira. Artikuloaren amaieran, De la Torrek, Estatu Espainiar osoko lurralde guztietarako fiskalitate sistema amankomun eta gardenaren alde lan eginen dutela dio. Beste behin ere, Ciudadanosek, arazoetan jarri du UPN, hauteskundeetarako akordioa sinatu eta astebetera. Pasa den astean Garicano europar parlamentaria mintzatu zen Nafarroako foru erregimenaren kotnra, oraingoan De la Torre.
Aste bat bete da UPN-k Ciudadanos-ekin hauteskunde ituna sinatu zuenetik eta beste behin ere, alderdi laranjako arduradunak azaldu dira Nafarroako autogobernua eta fiskalitate propioaren kontra hitz egiten. Oraingoan, Francisco de la Torre, Ciudadanoseko zuzendaritzako kide eta Madrilgo diputatua izan da, foru erregimenak "pribilegio" bat direla adierazi eta "gardentasunik gabe erregimen insolidarioak" direla salatu duena. Beste behin ere, UPN ataka estuan utzi dute beren bazkide berriek.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!