Foru erregimena indargabetzeko azaldutako jarreraren gainetik, Ciudadanosekin sinatutako akordioa defendatu du UPN-k

Euskalerria Irratia 2019ko mar. 14a, 14:17

Ciudadanos alderdia, Nafarroako autogobernuaren defentsara ekarri duela adierazi du UPN-ko buruak. Hala ere onartu behar  izan du, atzo Luis Garicano, Ciudadanoseko kideak egindako adierazpenek hautsak harrotu zituela alderdi nafarran. Azalpen eske, dei bat egon zela onartu du Javier Esparza UPNko presidenteak. Sinatutakoan, Foruen defentsan zalantzarik ez dagoela defendatu behar izan du Esparzak, Ciudadanoseko bozeramaleek publikoki bestelako jarrera azaldu arren.

Beste alderdiek, espero zen bezala, Ciudadanoseko Garikanok eskaini dien aukera probestu dute nafar eskuinak sinatutako akordioaren kontra egiteko. Geroa BaI, EH Bildu eta baita PSN-k ere, leporatu diote, Nafarroaren autogobernuaren gainetik akordioa bilatu duela UPN-k eskuin espainiarrarekin soilik gobernura iristeko asmoarekin.

Azken orduotan, beste alderdi batek adierazi dio atxikimendua itun honi. Derecha Navarra y Españolak, Nieves Cipresen alderdiak, bat egin du UPN, Ciudadanos eta PP-k sinatutako akordioarekin.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!