Iruñerriko euskaldunon agerkaria
euskalerriairratia.eus

Euskararen ofizialtasuna eskatuko dute, manifestazioan

Euskalerria Irratia 2018-03-05 14:27   Euskara  Nafarroa

Euskarari eta euskal herritarrei ezartzen zaizkien muga linguistikoak gainditzeko, manifestazio deia egin du Euskal Herrian Euskaraz taldeak. Martxoaren 24an izanen da, larunbatarekin, arratsaldeko 17:30ean, Iruñeko autobus geltoki zaharretik abiatuta.

Euskarari eta euskal herritarrei ezartzen zaizkien muga linguistikoak gainditzeko, manifestazio deia egin du Euskal Herrian Euskaraz taldeak. Martxoaren 24an izanen da, larunbatarekin, arratsaldeko 17:30ean, Iruñeko autobus geltoki zaharretik abiatuta.

Lege onarpen egokia indarrean jarri behar dela uste dute, euskara berezko hizkuntza, ofiziala, lehentasunezkoa eta ezagutu beharrekoa izendatzetik hasita.

Azaitz Gartzia da Euskal Herrian Euskaraz taldeko kidea. Berak azaldu dizkigu manifestazioa deitzeko arrazoiak zeintzuk diren. ENTZUN AUDIOA

Erantzunak

Erabiltzailearen aurpegia Sortzen 2018-03-05 16:54 Erantzuna | #1

Sortzen Elkartetik, hitzordu honekin bat egiten dugula jakinarazi nahi dizuegu.
Ulertzen dugu, Euskararen Ofizialtasuna Nafarroa osoan, besteak beste, D ereduaren aldeko matrikulazio kanpainaren hoberena izango dela. Honekin batera, eta Nafarroako Parlamentuan Vascuencearen Legeak sortutako zonifikazioarekin amaitzea helburua duen sortu berri duten Batzorde Bereziaren harira, status ofiziala lortu eta gero, Nafarroako zonalde eta herri ezberdinetan, hizkuntza eskubideak bermatuak egon ahal izateko norabideak eta abiadurak zehaztu beharko ditugu.
Baina tira, bitartean, martxoaren 24an, EHEk antolatutako manifestazioara, Iruñerriko auzo eta herrietatik, zutabeetan hurbiltzeko deia egin dugu, Hezkuntzatik ere Euskararen Ofizialtasuna bultza dezagun.
Sortzen Elkartea
2018ko martxoak 5

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa