Iruñerriko euskaldunon agerkaria
euskalerriairratia.eus

Diputatuen Kongresuan huts egiteagatik barkamena eskatu du UPNko Iñigo Allik

Euskalerria Irratia 2018-02-12 14:08   Politika  Nafarroa

Joan den astean argitara atera zen Alli bera zela diputatuen artean huts egite gehienen artean zegoela Diputatuen Kongresuan. Egin diren saioen artean %18tara ez da bertaratu: zehazki, 9 saio osorik utzi zituen albo batera eta beste hirutan zati batzuetara baino ez zen agertu eta 77 botaziotan ez zuen parte hartu. 

Diputatuen Kongresuan huts egiteagatik barkamena eskatu du UPNko Iñigo Allik
Iñigo Alli diputatuen kongresuan. | Ikusi handiago | Argazki originala

"Ordezkari publiko gisara norbait mindu badut nire lana ez betetzeagatik, barkamena eskatu nahi dut", esan du Iñigo Alli UPNko diputatuak. UPNko afiliatuei, UPNri botoa ematen dietenei eta bere betebeharretan huts egin izana sentitzne duen guztiari zuzendu zaie Alli.

Legealdi honetan huts egindako parlamentuko saioetan, kasuen erdietan bere alabaren jaiotzagatik izan dela nabarmendu du, etxean laguntzeko prestutasuna izan duelako eta benetako kontziliazioan sinesten duelako. Gainerako huts egiteak, Madrilen jasotako formazio ikastaro batzuetan parte hartzen ari delako izan dela argitu du.

Parte hartu ez zuen botazioetan ez zuela Nafarroa eragin ere nabarmendu nahi izan du, ezta nafarren interesei ere ezta Espainiari zegokion erabaki garrantzitsurik galarazi edo kaltetu ere.

Bere akatsa onartzen duela esan du Allik eta arduraz jokatuko duela esan du. Hala, Diputatuen Kongresuko letraduari bere huts egiteen berri emanen dio gaur bertan, eta, bere familiari dagokion zaintzagatik ez beste kasuetako saioetako dirua itzuliko duela esan du. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa