Iruñerriko euskaldunon agerkaria
euskalerriairratia.eus

Argitu da 117 zenbakiaren atzean dagoena: Sakanan torturatuak izan diren bizilagunak dira

Euskalerria Irratia 2018-02-08 08:03   Politika  Nafarroa

117 zenbakiarekin Sakanako txoko guztiak pankartaz josiak agertu ziren. Errezelo-kanpaina duela bi aste jarri zuten martxan Ernai gazte taldeak eta Sortu alderdiak. 

117 sankandarrek salatu dituzte tortura kasuak. Gutxienez 135 tortura-kasu dira zehazki erregistratuak dituztenak 117 pertsona horiek jasandakoak. 20.000 herritar bizi dira eskualde horretan eta 117 salaketa daude eginak. Tortura kasu gehiago izan daitezkeela ere nabarmendu dute Ernai gazte taldeak eta Sortu alderdiak. 

Duela bi aste hasi zen errezelo-kanpaina Sakanan. 117 zenbakia idatzirik zituzten kartelak agertu ziren herri guztietan barrena. Eta gaur, jakitera eman dute 117 zenbaki horren atzean torturatuak izan diren herritarrak daudela. 

Ekitaldia eginen dute tortura salatzeko

Otsailaren 17an, larunbatean, ekitaldia eginen dute Etxarri Aranazko Mikel Arregi plazan 12:30ean. Iluntasunetik askatasunera goiburuarekin bildu nahi dute ekitaldi berezi bat egiteko asmoarekin. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa