Adostu dute aurtengo soldata eta dieten igoera zenbatekoa izanen den Nafarroako Parlamentuan lan egiten dutenen kasuan. Presidenteak, Ainhoa Aznarezek 57.253 euroko soldata izanen du. Gainerako parlamentariek, dedikazio osoa baldin badute 50.415 euroko soldata izanen dute, Mahai eta Eledunen batzarreko kide badira 56.718 euro (dedikazio osoz aritzen ez direnek 42.538 euro).
Dietak ere adostu dituzte. Parlamentuak deitutako ekitaldietan parte hartzeagatik 137 euro jasoko dituzte Iruñean edo Iruñetik 25 kilometrora bizi direnek, gainerakoek, 162 euro. Parlamentarien joan-etorriak ordaintzeko 0,31 euro kilometro bakoitzeko jasoko dute. Nafarroatik kanpo egiten diren bidaietarako 50 euro ordainduko dizkiete eta nazioartera baldin badira bidaia horiek 80 euro izanen dituzte egunean.