Irati Majuelo, Ainara Ieregi, Josu Sanjurjo, Iker Gorosterrazu eta Saioa Alkaiza bertsolariak ariko dira Alde Zaharreko gaztetxeko bertso eskolak antolaturiko lehen bertso traman, bihar, ostegunarekin, 20:00etan.
"Rozalejos jauregiko markesa hilik aurkitu dute, eta inork ez daki zer gertatu den... Horregatik, Nafarroako bost bertsolari gazte ekarriko ditugu bertso saio formatuan hilketaren misterioa argitu dezaten". Hori esan dute Alde Zaharreko gaztetxeko Bertso Eskolako kideek. Eta bertsolariak, hauexek: Irati Majuelo, Ainara Ieregi, Josu Sanjurjo, Iker Gorosterrazu eta Saioa Alkaiza.
Urtarrilaren 18an izanen da saioa, bihar alegia, ostegunarekin, Alde Zaharreko Maravillas gaztetxean, 20:00etan, doan.
