CANeko bi zuzendari ohirentzat hamarna urteko espetxe zigorrak eskatu dituzte iruzurragatik

Euskalerria Irratia 2017ko aza. 8a, 09:22

Dokumentuak faltsutzea, iruzurra eta bidegabeko jabetzea leporatzen die Bartzelonako Fiskaltzak. Faktura faltsuen bitartez eskaini ez zituzten zerbitzu batzuengatik bideratu zuten dirua eta Nafarroako Kutxa kaltetu.

Boste entitateri zazpi milioi euroko iruzurra egiteagatik 25 pertsonaren partaidetza izan zela dio Bartzelonako Fiskaltzak. Tartean sartu ditu Nafarroako Kutxako bi zuzendari ohi. CUBICAN taldeko administrazio kontseiluko zuzendari ohiak ziren, CANeko etxebizitza saileko filialekoak, eta dokumentuak faltsutzea, iruzur egitea eta bidegabeko jabetza egitea leporatu die Fiskaltzak. Faktura faltsuen bidez eskaini ez ziren zerbitzuengatik 997.600 euro bideratzea leporatzen diete eta horrek CAN kaltetu zuela ondorioztatu du Fiskaltzak. 

Nafarroako Kutxako administrazio kontseiluko kide ziren J.J.M.D (presidentea) eta A.D.D.P (bokala). Horien aurkako akusazioa da fiskalak egin duena. 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!