Geroa Bai, EH Bildu, Podemos-Ahal Dugu eta Izquierda-Ezkerrak programaren gaineko akordioa babesten dutela berretsi dute Uxue Barkos Lehendakariaren hitzaldiaren ondoren. Guztiek babestu dute Lehendakariak esandakoa, baina alderdi bakoitzak ñabardurak egin ditu.
EH Bilduko Adolfo Araizek hasteko esan du urte luzez martxan izan den erregimena bertan behera gelditu dela duela bi urte. Aldaketarekin segitu eta indartzeko beharrezko pausuak ematera dei egin du Araizek. Datozen bi urteetarako erronkak markatu eta programaren gaineko akordioan hartutako konpromisoak betetzera jo behar dela esan du. Gainerakoak hitz hartzen ari dira artikulu hau idazten ari garen unean (Podemos, Ezkerra eta Geroa Bai).
UPN, PSN eta PPN gogor aritu dira Barkosen Gobernuaren kontra. Nazionalismoa lau haizetara zabaltzen aritzea, Nafarroa haustea, EH Bilduren pausoak segitzea eta Barkos bera etsita dagoela uste dute.