Nafarroako Parlamentuak atzera bota du Hezkuntzan zerrenda bakarra osatzeko proposamena. UPNk aurkeztutako proposamena izan da, datozen Lan Eskaintza Publikoetan ez dezatela zerrenda bakarra egin eta PSNk eta PPk babestu dute, Podemos-Ahal Dugu eta Ezkerra abstenitu egin dira nahiz eta, prest azaldu diren gaiaz hitz egiteko, eta Geroa Baik eta EH Bilduk aurka bozkatu dute.
UPNk esan du zerrenda bakarrak ez direla juridikoki posibleak, nazionalisten nahiak asetzea baino ez dutena helburu. Alderdi sozialistak gaineratu du administrazioko langile izateko aukera berdintasunaren aurkakoa dela zerrenda bakarra. Podemosek eta Ezkerrak abstentziora jo dute ez dutela argi zer nolak zerenda bakarraz ari diren eta Gobernuaren azalpenen zain daudela.
Geroa Baik eta EH Bilduk esan dute bidezkoena, berdintasuna ziurtatuko duena eta logikoena dela zerrenda bakarra. Euskara zokoratu da orain arte eta behingoz zerrenda integratzailea behar dela diote.