Bidaiari bi etorri dira guardasolaren azpira. Kenyan izan dira safari batean Koldo Santamaria eta Aitor Urdaniz. Afrikako abentura ezagutzeko parada izan dugu. Kukai dantza taldeak, gaur, arratsaldeko zortzietan, Iruñeko Ziudadelan, Topa izeneko ikuskizuna eskainiko du. Eneko Gil Alberdik eman dizkigu xehetasun guztiak. Musikari tarte berezia egin diogu gaurko saioan: Alaitz eta Maider bikoteko kide Maider Zabalegi abeslaria bakarlari ari da orain. Lehenengo diskoa plazaratu du, Zuei izenekoa. Elkarrizketa egin diogu artista oiartzundarrari eta modu akustikoan, zuzenean, abesti zenbait ere kantatu dizkigu.