Sanferminetako kamiseta, Euskalerria Irratiaren eskutik

Euskalerria Irratia 2017ko eka. 23a, 08:18

Hemen da aurtengo Sanferminetako kamiseta (antonomasiaz), Euskalerria Irratiaren eskutik. Leloa: Euskaraz? Bai, eskerrik asko! Logoa: Euskalerria Irratiaren mikrofonoa. Salneurria: 8 euro. Saltokiak: Karrikiri, Katakrak, Nabarreriako Meson (sanferminak hasi arte) eta Zaldiko Maldiko (Sanferminak hasten direnetik).

EUskaraz? Bai, eskerrik asko. Jakina! Prefosta! Gustu handiz! Plazer ikaragarriz! Horixe da Euskalerria Irratiak aurtengo sanferminetan zabaldu nahi duen mezua, elastiko baten bidez. Euskalerria Irratiaren kamiseta soinean, ibili Iruñean! Edo beste edozein herritako edo hiritako festetan.

Bi modelo daude: tiranteduna eta mauka motzekoa. Modelo bakoitzean, lau neurri: S, M, L eta XL. Denak, zortzi euroan salgai. Hau bai mauka! Eskuetatik dakenzkigute!

Diseinua OAK Tixertak-eko Aritz Ibañez lagunak egin digu.

Mintza, kanta, dantza, goza euskaraz!

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!