Iruñerriko euskaldunon agerkaria
euskalerriairratia.eus

Aitor Zubietak pilotari profesional izateari utziko dio

Euskalerria Irratia 2017-06-14 13:04   Kirola  Nafarroa

Belaunean duen lesio baten erruz ezin izanen da gehiago lehiatu. Etxarriarrari uztailaren 7an eginen diote omenaldia, Labriten. 

Aitor Zubietak ezin izanen du gehiago pilota partidetan, profesional gisa aritu. Duela hamaika hilabete geldirik dago Etxarriarra eta gaur iragarri du, medikuek gomendatuta, ezin izanen duela kantxara itzuli. Belaunean du lesioa Zubietak.

Malko artean eman du gaur agerraldia. Juan Martinez de Irujok esan bezala, berak ere pilotari izaten segituko du nahiz ez profesionaletan, eta Irujok bezala asmoa du kantxan segitzeko.

2015eko irailean lesionatu zen azkenekoz, Bermeon. Belauneko lesio hori izan da Etxarri Aranazko pilotaria erretirora behartu duena.

Eskerrak eman dizkie familia eta lagunei, emazteari, gurasoei... «Ni pilotaria banaiz, haiengatik izan da».

Uztailaren 7an omenaldia eginen dio Aspek, Sanferminetako txapelketaren finalean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa