Iruñerriko euskaldunon agerkaria
euskalerriairratia.eus

Eremu euskalduneko herri izan nahi du Atetzek

Euskalerria Irratia 2017-05-09 08:58   Euskara  Nafarroa

>Lehen herria izanen da eremu mistotik euskaldunera pasatzeko eskaera egiten duena. 
>Eremu ez-euskaldunetik eremu mistora pasatzeko eskaera 43 herrik egin dute.
>Atetzeko Udalak bilkura dauka gaur, eta eskaria egitea onartuko du.

Eremu ez-euskalduna utzi eta mistora pasatzeko eskaera egin dute dagoeneko Nafarroako 43 herrik. Beste batek, Zizur Txikiak (UPNren alkatetze du) eremu mistoa utzi eta ez-euskaldunera pasatzeko aukera aztertuko du eta, eremu mistotik euskaldunera pasatzeko eskaera onartuko du gaur Atetz herriak. Horrekin, besteak beste, langileen hautaketan pisu handiagoa izango du euskarak, eta hezkuntzan G eredua desagertuko da (euskaraz ikasgai bat ere ez du). Udalean EH Bilduk du gehiengoa, eta, hortaz, ziurra da eskaria onartuko dutela bilkuran. Parlamentura joango da gaia.

Atetzek hasiko duen bideak aldaketa handiagoa dakar, hala ere: euskara ofiziala izango da, horrek dituen ondorio guztiekin. Esaterako, administrazioan zerbitzua euskaraz jasotzeko eskubidea aitortua dute herritarrek, eta lanpostu publikoetan pisu handiagoa izango du euskararen ezagutzak (gobernua prestatzen ari den dekretuaren arabera, oposizio lehiaketetan %11-23 puntu).

Erantzunak

Lengua navarra 2017-05-10 00:44 Erantzuna | #1

UPNkoak ¿“Navarrísimos edo Perrohortelanísimos dira”?
Akaso hizkuntza bat soilik jakitea hobea da bi hizkuntzak jakitea baino?
Honetaz "perrohortelanísimo" hauek nor konbentzituko dute?
Nafar askok, inola ere, ez dugu desiratzen “zona KASTELLANÓFONA pura y dura” batean bizi izatera
Nafar guztiok eskubide berbera dugu “BILINGÜISMO FORAL” edo FORU-ELEBITASUNA ezagutzera.
Nafar guztiok zergadun berdinak gara eta eskubide berdinak ditugu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa