Zamalana ibilgailuak pasatzeko, tabernek 14:00etatik 16:00etara terrazak bilduko zituztela zioen 2013an UPN udalean zela onartutako ordenantzak; haatik, orain hasi da udala ordenantzan jasotakoa bete dadin bermatzen. Eta gatazka piztu da. Isunak jaso dituzte hainbat tabernak eta kexu dira, haien lana "salgai" dagoela baitiote.
Horregatik, atzera egin du udalak eta ordutegia moldatu: 08:00etatik 11:00etara kendu beharko dituzte kaleko mahai eta eserlekuak ostatuek.
Udalaren arabera, ostalariekin, auzokideekin, garraiolariekin eta dendariekin izandako bileren ondorio da erabakia.
