Administrazioan euskara arautzeko dekretua "motz" geratu da, EH Bilduk salatu duenez, zonifikazioa baitu "abiapuntu", eta, beraz, horixe bera du "muga" nagusi. Izan ere, "Nafarroa hiru guneetan bereizita dagoen bitartean, ez da posible izanen hizkuntza eskubideak bermatuta egotea".
Gainera, administrazioan euskara arautzeko dekretuak badu bestelako muga bat: ez du zehazten ehuneko zenbatean izan behar duen administrazioak euskalduna, ezta hori "non, noiz eta nork" erabakiko duen ere. Horregatik, "ez da hizkuntza eskubideak bermatzeko behar adinakoa". Horixe esan du EH Bilduko kide Dabid Anautek, eta, horren aurrean, "eskubideak ziurtatuko dituen dekretua" galdegin du.
Abantaila zenbait
EH Bildu taldeak aitortu du dekretuak "abantailak" ere badauzkala, nolanahi ere, 2003ko dekretutik datorrela aintzat hartuta, "ez zen zaila hobera egitea". Administrazoian euskararen erabilpena hobetuko du dekretuak, eta "lehen baino aukera gehiago emanen ditu".
Ausartago jokatzeko
Gauzak horrela, "konpromisoa" eskatu dio EH Bilduk Nafarroako Gobernuari, "ausartago" jokatzeko; funtsean, "jokoan" daudenak herritarren hizkuntza eskubideak baitira, haren aburuz.