CEAR, Espainiako Errefuxiatuen Harrerarako Elkartea martxan da Nafarroan ere gaurtik aurrera. Bost emakume eta bi adin txikiko hartuko ditu erkidegoak gaurtik aurrera. Eta datozen egunetan foru komunitateak hartuko dituen errefuxiatuak gehiago izatea ere aurreikusita dute.
Lehenengo errefuxiatuak Eritreatik iritsiko dira gaur. CEAR elkarteko bederatzi profesionalen babesa izanen dute uneoro gurean integrazioa errazteko asmoz.
“Nafarroan orain arte beste erkidegoetan egin dugun lana abiatzea garrantzitsua da elkartearentzat”, nabarmendu du Estrella Galan CEAR elkarteko idazkari nagusiak. “Erakundeen eta herritarren babesarekin eginen dugu lan. Gerratik eta jazarpenetik ihesean ari direnei bizitza duin bat izatea eskaini behar zaie”, azaldu du. Horrez gain uste du Nafarroak beti erakutsi duela elkartasuna eta oraingoan ere hala izanen dela.
