Begoña Huarte eta Mikel Zuloaga atxilotu dituzte Grezian, zortzi errefuxiatu Euskal Herrira ekarri nahian zebiltzala. Gizarte mugimendu askoren babesa duen «desobedientzia ekintza bat» izan da. Greziako epailearen aurretik pasako dira biak datozen orduetan. "Bidaiatzeko dokumentazio egokirik ez zuten pertsonak garraiatzea" egotzi diete. Huarterekin eta Zuloagarekin kontaktuan jartzerik izan duten ekintzaileen arabera, "ongi" daude biak ala biak, eta haien kezka nagusia zen haiekin batera zihoazen errefuxiatuei zer gertatuko ote zitzaien.
Gizarte mugimendu, alderdi eta sindikatu ugarik bat egin dute Huarteren, Zuloagaren eta gainerako ekintzaileen asmoekin. Eusko Jaurlaritzak eta Nafarroako Gobernuak azaldu dute "ulertu" egiten dutela euskal herritar askoren "haserrea eta desadostasuna", baina ez dator bat bi ekintzaileek salaketa egiteko erabilitako moldearekin. Beste zenbait eragilek, berriz, bat egin dute atxilotutakoekin. Agerraldian EH Bildu, Ahal Dugu, Ezker Anitza eta alderdi eta sindikatu askok ere agiriak plazaratu dituzte atxilotuei elkartasuna adierazteko.
Elkartasun oldea
Iruñean 18:00etan izanen da elkarretaratzea udaletxeko plazan. Bihar ere eginen dituzte mobilizazioak.
