Gobernua babesten duten lau alderdiek SOS Arrazakeriaren eta Salhaketaren agerraldia eskatu dute Elhadji Ndiaye 42 urteko senegaldarraren heriotzaren inguruan informazioa eskatzeko asmoz.
Joan den astean, komisarian hil zen gizona. Carmen Albaren agerraldia eskatua zuten, baina, Espainiak Nafarroan duen ordezkariak ez du asmorik legebiltzarrean agerraldirik egiteko.
Hala, lan saioa eginen dute bi elkarte horiekin, ezagutzeko, bi elkarte horien iritzia gertatutakoaren inguruan eta zein neurri hartu beharko liratekeen halakoak argi gera daitezen eta berriz errepika ez daitezen.
Azaroaren 14an egin nahiko lukete Geroa Baik, EH Bilduk, Podemos-Ahal Duguk eta Izquierda-Ezkerrak batzorde hori.
